Tað er nú greitt, at kendi sangarin og tónleikarin, Poul Arni Holm, stillar upp fyri Sjálvstýri á løgtingsvalinum 26. mars.

Pól Arni á Tvøroyri er kendur sum tónleikari, fyrst sum sangari í tónleikabólkinum, Týr og nú seinast, sum oddamaður í bólkinum, Hamradun. Men hann er eisini kendur sum leiðari í ungdómsarbeiði á Tvøroyri og sum skúlastjóri á Føroya Eftirskúla hevur hann arbeitt nógv við ungum og útbúgving í Føroyum.

Sjálvstýri sigur, at eitt av hansara hjartamálum er at arbeiða fyri, at Suðuroyggin verður knýtt til meginøkið, so Suðuroy kann gerast ein natúrligur partur av samlaða føroyska arbeiðs-, útbúgvingar- og bústaðarmarknaðinum.