Kaj Leo Holm Johannesen verður nú aftur at síggja í løgtinginum.

Í dag skrivar Kaj Leo soleiðis á facebook:

Merkiligt í dag tann 20 Dec 2025 havi eg tikið eina persónliga støðu, eg kenni meg nú 100 % kláran, bæði sálarliga og kropsliga at fara í løgtingið aftur.

Hetta hevur persónliga verið ein harður og læruríkur túrur, frá at renna til at ganga, til at ganga við krykkum og so, við sorg í koyristól, nú er nokk grátið, nú verður koyrt aftur á motorin.

Eg gleði meg at heilsað uppá mínar starvsfelagar aftur.

Gott vikuskifti, skrivar Kaj Leo Holm Johannesen í dag.

Síðani løgtingsvalið fyri trimum árum síðani hevur Kaj Leo fleiri ferðir verið í farloyvi, og soleiðis hevur tað verið nú í nógvar mánaðir. Tað kemst av, at hann hevur verið til viðgerð og uppafturvenjing í Danmark og eisini í Føroyum.

Kaj Leo situr nú í koyristóli. Seinastu tíðina hevur tað verið arbeitt við at betra um atkomumøguleikarnar og umstøðurnar hjá teimum í koyristóli í løgtinginum.

Í farloyvistíðini hevur fyrrverandi sambandsformaðurin og løgmaðurin verið rættiliga virkin. Eitt nú hevur hann stovnað felag fyri tey, sum sita í koyristóli, og so hevur hann fleiri ferðir hildið fyrilestrar,

Meðan Kaj Leo Holm Johannesen hevur verið í farloyvi, hevur Jaspur Langgaard verið tingmaður.

Tá ið tingið fór í jólafrí hóskvøldið, segði Bjørt Samuelsen løgtingsforkvinna, at tað verður lýst við, nær tað aftur verður tingfundur. Tingið plagar eftir ársskiftið at koma saman aftur eftir 20. januar.