Ísrael fer ikki at góðtaka, at turkiskar herdeildir eru til staðar í Gazageiranum sum ein liður í amerikansku friðarætlanini fyri enklavuna.

Tað segði ísraelski uttanríkisráðharrin, Gideon Sa'ar, mánadagin, sambært tíðindastovuni Reuters.

- Turkaland við Erdogan á odda hevur tikið eina fíggindaliga tilgongd móti Ísrael, sigur Sa'ar.

So tað er ikki rættvíst ímóti okkum at loyva teirra vápnaðu herdeildum at koma inn í Gazageiran, tað vilja vit ikki taka undir við. Og tað hava vit sagt við okkara amerikansku vinir, leggur hann afturat.

Trump-stjórnin hevur útilokað at senda amerikanskar herdeildir til Gazageiran, men hevur tosað um eina altjóða herdeild við Indonesia, Sameindu Arabisku Emiratini, Egyptaland, Katar, Turkaland og Aserbadjan, fyri at tryggja vápnahvíldina.