Nú blanda fyrrverandi Eurovision-luttakarar seg í diskussiónuni um boykottið av Eurovision næsta ár.
Tveir danskir Eurovision-vinnarar siga nú greitt, at Ísrael skal útilokast frá altjóða sangkappingini.
-Tað er naivt at halda, at Eurovision er eitt ópolitiskt tiltak, sigur Emmelie de Forest.
- Eg vóni veruliga, at DR fer at vísa eins og hini londini, sum hava givið signal um, at tey ikki fara at luttaka, um Ísrael luttekur í 2026.
Eg vóni, at Danmark ger tað sama og verður á røttu síðu av søguni, sigur Emmelie de Forest, sum vann Eurovision í 2013 við sanginum 'Only Teardrops'.
- Tað eru ikki bara nakrar fáar ósemjur. Tað er eitt fólkadráp, sum vit hava verið vitni til í skjótt tvey ár nú, sigur hon.
Somu meining hevur Jørgen Olsen úr Brødrene Olsen, sum vann fyri Danmark í 2000 við ‘Fly on the Wings of love' ella sum hann eitur á donskum, 'Smuk som et stjerneskud'.
- Eg haldi, at Ísrael skal blakast út. Eurovision skal ikki oyðileggjast, sigur hann við 'P1 Morgen'.
Hetta við boykotti
Danmark vil ikki boykotta
