ES hevur gjørt avtalu við Ísrael um at betra um atgongdina til neyðhjálp í Gasageiranum.

Tað segði uttanríkispolitiski leiðarin í ES, Kaja Kallas, sambært tíðindastovuni Reuters í gjár.

Kaja Kallas legði afturat, at tiltøkini fevna um eina munandi øking í dagliga talinum av lastbilum. Bæði lastbilar við mati og við øðrum vørum, sum koma inn í Gasa-geiran.

Tiltøkini fevna samstundis um at lata upp fleiri markaleiðir og neyðhjálparleiðir til Gasa.

Hettar verður alt sett í verk komandi dagarnar:

- Við teirri felags fatan, at hjálpin í stóran mun skal berast beinleiðis til fólkið, og at stig framhaldandi verða tikin til, at hjálpin ikki verður beind til Hamas, stendur í tíðindaskrivi hósdagin frá Kallas.