Tað er tíðindafundur í NSÍ hølunum, og har er kunngjørt, at nýggjur NSÍ venjari er Sigurdur Ragnar Eyjólfsson. Hann er 52 ára gamal íslendingur, sum í síni tíð var álopsspælari, og sum í 2021 var venjari í Keflavík.

Í fyrstu atløgu er talan um sáttmála, sum er galdandi fyri 2026.

Talan er um royndan venjara við UEFA pro-útbúgving. Hann hevur verið venjari hjá ÍBV í 2014 og Keflavík frá 2021 til 2023 í bestu íslendsku deildini, og so hevur hann verið hjálparvenjari í Lillestrøm í 2015-16. Eisini hevur hann verið nógv venjari hjá íslendska og kinesiska kvinnulandsliðunum.