Í nátt hevur løgreglan rættiliga verið á ferð við saksinum. Løgreglan sigur, at tilsamans hava tey klipt pláturnar av 22 bilum í nátt.

Pláturnar vórðu tiknar av 17 bilum í Havn og av fimm bilum norðan fyri.

Løgreglan sigur, at talan er um bilførarar, sum ikki hava goldið vegskatt ella trygging, ella sum ikki eru møttir til sín.

Løgreglan hevur fingið ein langan lista frá Akstovuni yvir bilar, sum skulu missa pláturnar av tí sama og nú eru tey við at arbeiða seg ígjøgnum hann.