Tað er søguligur dagur í føroyskari ítróttarsøgu

Klokkan 19.30 fer føroyska hondbóltsliðið við kvinnum fyri fyrstu ferð yvirhøvur at spæla HM undankappingardyst.

Mótstøðuliðið í týska býnum Trier, ið er ikki so langt frá markinum til Luksemborg, er Montenegro. Tá ið Føroyar og Montenegro 18. oktober hittust í EM undankappingardysti, fóru gestirnir úr Føroyum við 32-26 sigri eftir hálvleiksstøðuna 14-14.

Sum seinni hálvleikur leið, sást tað, at talan var um eitt av tíggju teimum bestu landsliðunum í Europa og føroyskt lið, sum ikki hevur so nógvar royndir í hesum høpinum.

Montenegro vann EM finaluna í 2012, og í 2022 endaði Montenegro á triðja plássi í EM endaspælinum. Í HM høpi er besta úrslitið higartil, tá ið Montenegro  í 2019 endaði á fimta plássi.

18 føroyskir spælarar eru í Trier í Týsklandi, har tað fyrireika seg til fyrsta HM dystin hjá Føroyum yvirhøvur. 16 spælarar vera á listanum í kvøld.