Í kvøld hevur bygdaráðið í Hvalba havt sín seinasta bygdaráðsfund í ár.

Eitt av málunum, sum vóru til viðgerðar, var, um tey skuldu leggja tænastugjald á tóm hús.

Úrslitið varð, at bygdaráðið samtykti at leggja tænastugjald á tóm hús.

Tænastugjaldið verður 7.945 krónur um árið, sum er tað hægsta tað kann vera.

Tað eru 662 krónur um mánaðin.

Í Hvalbiar kommunu, sum fevnir um Hvalba og Sandvík, eru tað eini 70 hús, sum standa tóm og har eingin er skrásettur at búgva.

Sostat fer hetta at geva kommununi eina eyka inntøku upp á góðar 556.000 krónur um árið.