Hesa vikuna hevur løgreglan gjørt nógv burtur úr at kanna ferðsluna í Suðuroy. Tilsamans eru útvið 400 bilar kannaðir og tilsamans hevur løgreglan skrivað einar 40 bøtur fyri ymisk brot. og einstakir bilførarar hava eisini fingið klipp í koyrkortið.

Men talan er um smærri brot, slitin dekk, lyktafeilir, onkur hevur ikki havt koyrikortið við sær, hjá onkrum hevur koyrikortið verið útgingið, onkur sótu ikki í trygdarbelti, og so framvegis.

I gjár var løgreglan við skúlan og barnagarðin í Vági um tað tíðina í gjáramorgunin foreldur koyra børnini í skúla og í barnagarð.

Løgreglan sigur, at har vórðu einir 50 bilar kannaðir og í tí sambandi fingu tríggir bilførarar 1.500 krónur í bót, og klipp í koyrikortið, tí tey høvdu børn í bilinum, uttan at syrgja fyri, at tey sótu í trygdarbelti, ella brúktu kravdu trygdarútgerðina annars.

Løgreglan sigur, at í sama viðfangi vóru tey stukku tey inn á gólvið í skúlanum og í barnagarðinum og heilsaðu upp á børnini.

Hetta ferðsluátakið hjá løgregluni í Suðuroy er nú av á hesum sinni.