21 spælarar eru boðsendir at umboða Føroyar, tá A-landsliðið við kvinnum í juni mánað fer til Litava at spæla Baltic Cup. Umframt verstjóðina Litava, taka eisini Lettland og Estland lut í kappingini.

Føroyar spæla í fyrra dystinum móti Estlandi, og vinnarin av tí dystinum skal síðan spæla finalu móti vinnaranum av dystinum millum Litava og Lettland.

Hópurin til kappingina líkist nógv tí, sum var savnaður á venjingarlegu í apríl, men fyri fýra spælarar er tað fyrstu ferð, tær eru úttiknar til dystir við A-landsliðnum. Talan er um Hervør Hansdóttir Olsen og Tóru Mohr úr KÍ, Juliu Helenu Dal Henriksen úr HB og Emmu Hansdóttir úr B36, sum allar áður hava umboðað Føroyar á ungdómslandsliðum.

Hópurin til Baltic Cup er hesin:

Ásla Johannesen, FC Nordsjælland

Jacoba Langgaard, B36

Olga Kristina Hansen, B36

Emma Hansdóttir, B36

Rakul Maria Johannesen, B36

Julia Helena Dal Henriksen, HB

Julia Naomi Mortensen, HB

Sara Samson Lamhauge, HB

Sarita Maria Mittfoss, HB

Óluva Allansdóttir Joensen, KÍ

Birita Ryan, KÍ

Durita Hummeland, KÍ

Sanna Judith Frida Svarvadal, KÍ

Hervør Hansdóttir Olsen, KÍ

Tóra Mohr, KÍ

Heidi Sevdal, NSÍ

Lea Símunardóttir Lisberg, EBS/Skála

Anna Sunadóttir Hansen, EBS/Skála

Jensa Kannuberg Tórolvsdóttir, Víkingur

Mona Rasmusdóttir, Víkingur

Maria á Lakjuni, Víkingur

Dystirnir í Baltic Cup 2021 verða spældir 10. og 13. juni.

Kelda: Maria Ziska Nesá/Fótbóltssamband Føroya