B36 vann í kvøld 2-0 á heimavølli ímóti B68. Sigurin ber við sær, at B36 eftir 19 umfør er á triðja plássi við 43 stigum. Tað er eitt stig fram til grannarnar í HB.
Hetta er triðja árið, at Dan Brimsvík hevur ábyrgdina av B36 liðnum í landskappingini, og hvat úrtøku viðvíkur fer hetta árið at vera tað besta hjá venjaranum.
Í 2021 vann B36 45 stig og endaði á fimta plássi. Í fjør vann B36 38 stig og endaði á fjórða plássi.
B36 er sjey stig frammanfyri Víking, og tí skal tað ganga heilt illa í átta teimum seinastu dystunum, um B36 ikki í hvussu so er fer at vinna bronsukrónurnar. Eftir 19 umfør er stigatalið 43. Í 2020, tá ið B68 venjarin Jákup á Borg hevði ábyrgdina, vann B36 59 stig og endaði á fjórða plássi.
Í kvøld var tað Valerijs Sabala, sum skoraði B36 málið í fyrra hálvleiki. Tað var eftir fínt upplegg frá Taufee Skandari. Hetta var níggjunda ferðin, at Sabala var málskjútti hjá B36. Hann er toppskjútti í felagnum. Næstbestu málskjúttarnir eru Bjarki C. Nielsen og Magnus Egilsson, sum hava skorað seks mál.
Valerijs Sabala hevur verið við í 17 landskappingardystum, men bara fýra ferðir hevur hann verið á vøllinum alla tíðina. Fimm ferðir er hann skiftur inn, og átta ferðir er hann skiftur út.
Tríggir spælarar hava skorað fleiri mál enn Valerijs Sabala – Páll A. Klettskarð úr KÍ er toppskjútti við 15 málum, og Adrian Justinussen og Mikkel Dahl úr HB hava skorað 12 mál í part.
B36 – B68 2-0 (1-0)
1-0: Valerijs Sabala 43.
2-0: Sonni Ragnar Nattestad 78.
Dómari: Jóhan Hendrik Ellefsen
B36: Mattias H. Lamhauge – Símun Sólheim, Isak Jönsson, Magnus Egilsson, Jann J. Benjaminsen – Andrass Johansen, Mattias Hellisdal – Taufee Skandari, Michal Przybylski, Bjarki C. Nielsen – Valerijs Sabala
B68: Benjamin Schubert – Gilli Samuelsen, Áki Johannesen, Aron Reinert Hansen, Bárður Ó. Jensen – Sebastian Lau Nielsen, Aleksandur Ó. Jensen – Mohamed Samba, Ragnar Samuelsen, Hanus Højgaard – Jørgen Nielsen
KÍ | 18 | 16 | 1 | 1 | 46 | 11 | 49 |
HB | 19 | 14 | 2 | 3 | 52 | 13 | 44 |
B36 | 19 | 14 | 1 | 4 | 42 | 17 | 43 |
Víkingur | 19 | 11 | 3 | 5 | 40 | 19 | 36 |
07 Vestur | 19 | 9 | 3 | 7 | 33 | 30 | 30 |
EB/Streymur | 18 | 6 | 1 | 11 | 19 | 33 | 19 |
TB | 19 | 4 | 3 | 12 | 12 | 42 | 15 |
B68 | 19 | 3 | 5 | 11 | 19 | 36 | 14 |
ÍF | 19 | 4 | 0 | 15 | 18 | 50 | 12 |
AB | 19 | 3 | 1 | 15 | 14 | 44 | 10 |
Sunnudagin 27. august
KÍ – EB/Streymur: Dagfinn Forná
ÍF – Víkingur: Alex Troleis kl. 15.00
07 Vestur – B68: Kári J. á Høvdanum
AB - HB: Heini Ziskason Viðoy kl. 15.00
TB – B36: Eiler Rasmussen kl. 15.00
