Sum vit skrivaðu í gjárkvøldið fer Strandferðslan nú at broyta prísirnir á ferðaseðlum. Hjá fólki sum ferðast at kalla dagliga, verður tað bíligari, men hjá vanligum ferðafólki verður tað eitt sindur dýrari.

Men tað, sum loypur í eyguni er, at hjá útlendingum verður tað heili 75 prosent dýrari at ferðast við skipunum hjá Strandferðsluni.

Og tá ið Strandferðslan sigur, at prísbroytingarnar koma í gildi longu týsdagin 8. apríl, ella um eina viku, eru tað fólk í ferðavinnuni sum halda, at hetta er so burturvið, at í fyrstuni hildu tey, at talan var um eina aprílsøgu.

Ein av teimum, sum gevur ilt av sær, er Oda Wilhelmsdóttir Andreasen, sum skipar fyri ferðum út í Mykines.

– Hetta fer at raka ferðavinnuna á útoyggjum meint, sigur hon á Facebook. Hon sigur, at við eini príshækking upp á 75 prosent, fer prísurin á einum túri út í Mykines úr 120 krónum upp í 210 krónur - í einum høggi.

Hon sigur, at hevði príshækkingin komið í gildi næsta ár, hevði tað verið ílagi.

Men at koma við hesum ein mánað áðrenn ferðafólkatíðin byrjar, heldur hon er langt úti, at hon hevur ikki orð fyri tí.

– Soleiðis fara landsins politikkarar við ferðavinnuni, huff, man missir mótið, skrivr hon.

Vit hava roynt at fáa eina viðmerking frá Strandferðsluni, men tað hevur ikki eydnast