Herborg Torkilsdóttir nummar eitt á Dansktoppen listanum

Í nakrar vikur hevur Herborg Torkilsdóttir ligið á Dansktoppen listanum hjá Danmarks Radio, við lagnum, "Jeg er fløjet". Dansktoppen er ein listi, sum er bygdur á atkvøður frá lurtarum.

Herborg hevur áður greitt frá í samrøðu við Dimmalætting, at lagið, "Jeg er fløjet", er ein týðing av føroyska lagnum, "Náttin var okay".

Nú hevur lagið hjá Herborg so tikið seg heilt fram á fremsta plássið á Dansktoppen listanum. Hetta gjørdist greitt í sendingini, sum var seinasta leygardag.

Dansktoppen sendingin er á skránni hvønn leygardag, og lurtarar hava møguleika fyri at atkvøða í nakrar tímar aftaná sendingina. Til ber eisini at atkvøða úr Føroyum. Sendingin kann hoyrast her.

Lagið hjá Herborg, "Jeg er fløjet", kann hoyrast her.