Áðrenn høvuðsstaðurin vaknaði henda ólavsøkumorgun, fór HB ferðalagið á flog úr Vágum.

Ørindini eru hóskvøldið at spæla Europa Conference League dyst í Brøndby.

Undan fyrra dystinum segði HB venjarin André Olsen, at málið var, at tað framvegis var spenningur um samantalda sigurin, tá ið HB fer á vøllin í Brøndby.

Fyrri dysturin endaði 1-1, og harvið er tað spenningur undan seinna dystinum.

HB fer at venja í Keypmannahavn í dag og í annaðkvøld á dystarvøllinum í Brøndby, og hóskvøldið klokkan 18.30 verður stóra avbjóðingin.

Higartil hevur HB ikki tapt, síðani André Olsen tók við sum venjari. Í Brøndby verður setningurin ógvuliga stórur, tí Brøndby er topplið í superliguni. Tvey umfør eru avgreidd, og Brøndby og FCK eru einastu feløgini, sum hava fulla úrtøku.