Tórshavnar kommuna skrivar á heimasíðuni í dag, at í 2025-útgávuni av Global Destination Sustainability Index er høvuðsstaðurin nú á einum 30. plássi fyri burðardygg ferðamál. Býurin hevur sostatt tikið seg fimm pláss fram.

GDS-indeksið verður nýtt til altjóða máting av burðardygd í ferðavinnu og tiltøkum.

– Kommunan fer framhaldandi at seta sær nýggj og viðkomandi mál fyri at koma longri upp eftir stiganum, tí hetta gagnar bæði borgarum og ferðafólkum í kommununi, sigur Elsa Berg, borgarstjóri.