USA og Ísrael hava leygarmorgunin sett í verk eitt massivt og áhaldandi felags hernaðarligt átak í Iran.

Fyrstu tíðindini bórust tíðliga leygarmorgunin, tá Ísrael váttaði, at tey hevði framt eitt álop í iranska høvuðsstaðnum Teheran. Beint yvir ein tíma seinni legði amerikanski forsetin, Donald Trump, eitt sjónband út á sína sosialu miðlakonto Truth Social, har hann segði, at álopini vóru samskipað millum USA og Ísrael.

- Herurin í USA fremur eitt massivt og áhaldandi átak fyri at forða fyri, at hetta sera ónda, radikala einaræðið hóttir USA og okkara centralu trygdaráhugamál, sigur amerikanski forsetin.

Steffen Kretz frá Tv2 samanlíknar við Irak-kríggið í 2003, har USA ynskti eitt skjótt stýrisskifti eftir drápið av Saddam Hussein. Hetta førdi í staðin til eitt stríð, sum vardi í næstan níggju ár.

Hettar snýr seg ikki bert um Iranska framleiðslu av kjarnorkuvápnum, Trump hevur meldað út at hann vil hava prestatýrið avtikið, og tí kann hugsast at Iran fer at kempa til síðsta mann fyri at yvirliva.

Sostatt kann stríðið hesaferð eisini koma at vara nakað væl longri, enn tað gjørdi í fjør summar.