Týskvøldið 8. apríl var eykaaðalfundur hjá Vága tjóðveldisfelag hildin í Beitinum. Ingolf S. Olsen og Jakobina Ellingsgaard høvdu frammanundan boða frá at tey takkaðu fyri seg fyri hesa ferð, og tí skuldu tveir nýggir limir veljast. Uppskot var um Hergeir Teitsson og Janu Antonsdóttur Dam, sum bæði tóku við vali.

Nevndin skipaði seg eftir fundin soleiðis, at formaður er Hergeir Teitsson og hann umboðar eisini felagið í aðalstjórnini hjá Tjóðveldi. Jana Antonsdóttir Dam er skrivari og Sølvi Simonarson, peningarøkil

Nýggja nevndin hevur longu sett sær fleiri ætlanir um tiltøk og temakvøld, sum verður kunnað nærri um seinni.

Men tey ætla eisini at bjóða forkvinnuni, Sirið Stenberg, og næstforkvinnuni Hervør Pálsdóttir, saman við aðalstjórnarformanninum, Høgna í Stórustovu vestur á vitjan.

Eisini Jóhan Christiansen, nýggi landsstýrismaður í fiskivinnu- og samferðslumálum, var við á fundinum har hann greiddi frá teimum málum, ið hann arbeiðir við.