Megd, sum er meginfelagið fyri fólk við breki, hevur fingið nýggja forkvinnu.

Tað er Ruth Thomsen, sum nú hevur tikið við eftir Tóra við Keldu, sum hevur verið forkvinna hesi seinastu 11 árini.

Men nú boðaði hon frá, at hon fór frá og í hennara stað varð Ruth Thomsen vald til forkvinnu á aðalfundinum sum var mánadagin.

Megd skrivar, at hesa fyrsta tíðina skal nýggja forkvinnan brúka til at seta seg inn í viðurskiftini, og síðani skulu nýggj mál setast, samstundis sum tað so ella so verður byggt víðari á tað, sum longu er sett út í kortið. 

Ruth Thomsen var einasta uppskotið til forfólk, so hon varð vald uttan avkvøðugreislu.

Í starvsnevndina komu annars Anna Dahl-Olsen, Johnny Olsen og Ása Olsen. Sum tiltakslimir vóru valdar Naina Túgvustein og Julianna Tórunnardóttir. 

Í starvsnevndini sita nú:

Ruth Thomsen, forkvinna
Sonja Tausen
Anna Dahl-Olsen
Johnny Olsen
Bárður Atlason Ísheim, aðalskrivari, er skrivari

Tey, sum fóru úr starvsnevndini vóru Fía Petersen, Bjørg Dam og Elna Dam Dahl-Olsen.

Annars eru 24 limafeløg í meginfelagnum, Megd, so tilsamans umboðar Megd sostatt yvir 4.000 limir.