Á Toftum er kommunan nú farin undir at leingja Høganesvegin, sum gongur undir vøllunum á Svangaskarði og inn eftir ímóti Runavík.

Høganesvegurin verður longdur 180 metrar og Súni í Hjøllum, borgarstjóri, sigur, at nú er góð gongd komin á arbeiðið. Nú er umleið helvtin nevniliga grivið oman av.

Endamálið við arbeiðnum er at fáa meiri byggilendi. Niðan fyri vegin verða sjey grundstykki, men oman fyri ber til at gera eitt íbúðarøki upp á einar 4.000 fermetrar.

Tað er byggifelagið, Falkon, sum ger arbeiðið, LBF, ella Landsyggifelagið,  hevur eftirlitið fyri Nes kommunu.