Beint eftir midnátt í gjárkvøldið loysti Galaxy frá bryggju á Krambatanga á Trongisvágsfirði og setti kós heimaftur eftir at hava verið her og avloyst Smyril, meðan hann var í dokk.

Men hóast tað er ein vika, síðan Smyril kom aftur, varð Galaxy liggjandi á Krambatanga – líka til í gjárkvøldið.

Tað er nógv umrødda málið um hekkuportrið á Galaxy, sum hevur gjørt, at skipið ikki slapp úr Føroyum.

Málið er meldað, og eitt nú skuldu nakrir av manningini avhoyrast, og kanningar gerast.

Tað arbeiðið er nú liðugt, og í gjár setti Galaxy so kósina heimaftur.

Nú í morgun er hon vestan fyri Hetland og verður væntandi heima aftur leygarmorgunin 1. novembur.