Aftur í gjár tók løgreglan fleiri bilførarar fyri ymisk lógarbrot.

Ein bilførari fekk bót fyri at koyra 94 kilometrar um tíman í Kollafjørði á einum strekki, har tað er loyvt at koyra 80.

Men so fingu fýra aðrir bilførarar eisini klipp í koyrikortið - fyri trý ymisk lógarbrot.

Førarin á einum lastbili fekk bæði bót og klipp í koyrikortið fyri at koyra 91 kilometrar í Kollafjørði, á strekkinum ímillum tunnilin og rundkoyringina - lastbilar hava bara loyvi at koyra 70.

Tveir bilførarar fingu 1.500 krónur í bót, og klipp í koyrikortið fyri at brúka hondhldna fartelefon ímeðan teir koyrdu.

Og ein bilførari fekk eisini 1.500 krónur í bót, og klipp í koyrikortið, fyri at hava eitt pinkubarn í bilinum, uttan at tað var spent fast.