Tað hevur verið stak friðarligt hjá løgregluni hetta seinasta samdøgurið.

Men seinnapartin í gjár hendir eitt ferðsluóhapp í Kollafjarðardali. Tað hendi tá ið ein bilur mátti bremsa harðliga fyri einum seyði, men tað bilurin, sum kom aftan fyri, var so tætt uppi í reyvini á honum, at bilførarin lukkaðist ikki at bremsa - og so brast.

Løgreglan sigur, at eingin av teimum, sum vóru í bilunum, fingu skaða, men bilarnir fingu stóran skaða.

Í gjár var ársins fyrsti heystarstormur, men løgreglan sigur, at tey hava onga fráboðan fingið um stormskaðar, uttan onkra einstaka fráboðan um eina leysa takplátu.