Tað hevur verið rættiligt ruskveður seinasta samdøgurið, og tað hevur ikki eggjað til ta stóra virksemið runt umkring.

Og ta tað hevur eisini verið rættiliga friðarligt hjá løgregluni.

Tey hava hjálpt einum manni til hús, sum lá úti á berajólum, og var so drukkin, at hann kláraði seg ikki sjálvan, og hetta var ikki veður at liggja úti.

Annars er ein maður skuldsettur fyri harðskap eftir eina hending um vikuskiftið, har tveir mans endaðu í slagsmáli í náttarlívinum í Havn leygarkvøldið.

Tað endaði við, at annar av teimum varð skuldsettur fyri harðskap.