Tað plagar at hilnast væl hjá føroysku svimjarunum í oyggjaleikunum, og úrslitini fyrr í dag benda á, at føroyingar eisini í kappingini í Orknoyggum fara at vinna heiðursmerki.
Tað verður farið undir finalurnar í svimjing nú klokkan 18. Tað ber til at fylgja við á hesi leinkjuni:
Millum føroysku úrslitini fyrr í dag vóru hesi:
Lea Osberg Højsted (2008, Ægir) 32.42 og stórt nýtt føroyskt met og juniormet í 50 metra bringusvimjing, í innleiðandi riðlunum nú á Oyggjaleikum 2025. Hon átti sjálv metini á 32.64, frá FM á stuttgeil 2025.
Bartal E. Eidesgaard (2003, HS) 1:01.85 og stórt nýtt føroyskt met í 100 bringu, nú í innleiðandi riðlunum á Oyggjaleikum 2025. Hann átti sjálvur metið á 1:02.08, frá FM á stuttgeil 2024.
