Hesa ferð verður tað Sjónám í Klaksvík, sum er vertur, tá ið limirnir í altjóða felagsskapinum, International Association for Safety and Survival Training, IASST, samlast í Føroyum í døgunum 11.-13.septembur.
Og í hesum sambandi verður eisini ráðstevna Hotel Hilton, har evnið er Sjóvinnuleiðsla við denti á trygdar- og trivnaðarmenning.
Brandur H, í Funningsstovu, leiðari á Sjónámi, sigur í tíðindaskrivi, at endamálið við ráðstevnuni er at styrkja altjóða samstarv og kunna hvønn annan um, hvussu hvussu trygdarmentan og trivnaður umborð kunnu betrast, siga fyrireikararnir.
Skráin fyri vitjanina er hendan:
Hósdagin 11.sept er aðalfundur hjá IASST-limum á Sjónámi og vitjað verður eisini hjá sjóvinnufyritøkum og stovnum.
Fríggjardagin12.sept verður almenn ráðstevna við framløgum frá serfrøðingum í trygd á sjónum, og har tað eisini verður verkstova, har viðkomandi trygdarpurningar verða viðgjørdir.
Leygardagur 13.septemvur verður útferð og ymsar vitjanir, har luttakararnir fáa innlit í føroyska sjóvinnusøgu og mentan.
Á Sjónámi halda tey, at tíðin er búgvin til at trygd og trivnaður á sjónum verður umrøtt og endamálið við tiltakinum er at fáa íblástur og at fáa eitt fakligt orðaskifti ímillum føroyskar og altjóða luttakarar.
