Tað er stórbært at eiga góðar tónleikagávur, fyri síðani at geva góðu gávurnar út, so vit kunnu taka ímóti og síðani lata tær upp og gera tær til okkara egnu. Seinasta árið eru vit í Føroyum ríkaði við góðum útgávum. Vit eiga tónlistafólk, sum megna at skapa ljóðmyndir og tekst, sum eru í samljóði.  

 Vit sleppa inn í ein heim, har mótsetningar hittast, har allir smálutir dansa í takt og tó hava egið lív. Og nú er løtan komin, har vit skulu velja útgávuna, sum er best frágingin, har verkið í síni heild í framleiðslu, ljóðgóðsku og teksti skara framúr.