Vit eru spírar í Hoydølum, og vit hava seinastu tíðina verið við í sendingini Hoydalar. Tað hevur verið fantastiskt og stórt at tulka og syngja tað, sum føroyskar tónleikastjørnur hava framleitt.  Hoydalar eru eitt dømi um, hvussu sangur og tónleikur bindur okkum saman, hvussu samd vit eru, tá ið vit syngja og tosa saman um innihald og kenslur. Føroysku vælkendu sangirnir eru okkara ljóðtapet og avmynda føroysku fólkasálina. Men í kvøld skulu vit heiðra og  avdúka ársins sang - hvørjir eru sangirnir, sum hava gjørt seg galdandi seinasta árið?