Løgreglan sigur, at tá iå hugsað verður um, at Summarfestivalur hevur verið í Klaksvík, har túsundtals fólk samlaðust, hevur hetta verið eitt stak friðarligt vikuskifti.

Nakrar heilt fáar ferðir mátti løgreglan leggja leggja upp í at skilja fólk, sum vóru komin til ilnar, sundur at forða fyri at tað ikki endaði við slagsmáli. Í teimum førunum vórðu fólkini rikin í hvør sína ætt og so spurdust ikki meiri burtur úr tí.

Annars hava samarittarnir tikið sær av nógvum av teimum, sum kravdu hjálp av ymsum slagi ogi einum føri var ein hending, sum løgreglan kannar nærri. Tað var tá ið bardagi tók seg upp og løgreglan kannar nú um nakar var sligin og um nakar verður skuldsettur fyri harðskap - men tað er als ikki vist at nakað spyrst burtur úr.

Og í nátt hevur verið púra friðarligt hjá løgregluni.