Leygardagin 25. oktober klokkan 13.00 bjóðar Fjølmentanarvikan til familjudag í Perluni, har dentur verður lagdur á mentanarliga fjølbroytni og felagsskap.

Á skránni er ein fjølbroytt matarbuffét við rættum úr millum annað Ghana, Albania, Peru og Asia – eitt høvi at royna nýggjar smakkir og uppliva matmentan úr ymiskum pørtum av heiminum.

Reinsaríið verður eisini opið við kaffisølu og te, og á pallinum verður tónleikur og dansur fyri bæði børn og vaksin.

Afturat hesum verða ymiskir básar við vørum til keyps, og Ítróttarsamband Føroya (ÍSF) verður á staðnum, við upplýsingum um frítíðartilboð í Tórshavnar kommunu.

Tiltakið er ókeypis og opið fyri øllum