Í nátt ringdu grannar hjá Sankta Frans Skúla í Havn til løgregluna at greiða frá, at tey hoyrdu ein alarm í skúlanum. 

Løgreglan fór á staðið, men har vóru eingi tekin um eld ella royk.

Hinvegin hoyrdu tey undarlig ljóð innan úr skúlanum, so tey umringaðu skúlan og sendi løgreglufólk við hundum inn at leita. 

Men tey funnu einki - uttan eitt eitt opið vindeyga og eina opna úthurð, og tað var hetta, sum hevði givið tey undarligu ljóðini frá sær. 

Samstundis varð staðfest, at talan var um ein tekniskan feil í alarminum – men tey fingu so latið vindeygað og hurðina aftur.