Mánakvøldið 3. november kl. 19.00 fer teppið niður fyri seinastu ferð fyri Friður á pallinum!

Klaksvíkar Sjónleikarfelag skal taka pallin niður sum skjótast, tá ið síðsta replikkin er søgd. Hettar skrivar felagið á Facebook.

Tey heita tí á øll, sum vilja hava ókeypis tilfar, sum er partur av pallinum, um at koma og hjálpa teimum at fáa tikið hann niður sum skjótast og bera tað út í eina bingju, sum fer til IRF.

Har er ymiskt tilfar – eitt nú til eina fyribilstrappu - og annað so sum brenni til brenniovnin.

Gevið gætur, at hurðarnar skulu nýtast aftur, skrivar sjónleikarafelagið og biður fólk lata frætta.

– Um onkur brennir fyri at hjálpa at taka niður, so eru tit meira enn vælkomin inn týsdagin kl. 16:00.