Seinnapartin í dag varð Eysturoyartunnilin stongdur eftir at eitt ferðsluóhapp var hent í tunlinum. Talan var um ein bil, sum ikki kláraði runt í rundkoyringini í tunlinum, men rendi á listaverkið.

Løgreglan sigur, at nú er ein løta síðani, at alt var ruddað aftur so nú er tunnilin opin aftur.

Bilførarin, sum var einsamallur í bilinum, varð fluttur á Landssjúkrahúsið. Løgreglan veit ikki við vissu, hvussu støðan er, men tey hava fingið at vita, at talan er ikki um nakað lívshóttandi.

Bilurin fór so illa, at pláturnar vórðu tiknar og hann varð fluttur burtur á eini last.