Løgreglan leitar nú eftir vitnum til eitt ferðsluóhapp í Havn. Talan er um eitt óhapp sum hendi hósdagin 18. septembur ímillum klokkan 15.30 og 20.30.

Óhappið hendi tá ið ein bilur bakkaði á hendan bilin á myndini, sum stóð parkeraður - og um tað sæst, fekk bilurin stóran skaða.

Bilurin á myndini stóð parkeraður á økinum uttanfyri Effo í Gundadali.

Í hesum tíðarskeiðinum hevur onkur rent á parkeraða bilin og er síðani farin av staðnum uttan at siga frá.

Enn hevur løgreglan ikki funnið bilføraran, sum rýmdi, og einki er dottið av bilinum, sum kundi víst, hvønn bil, talan er um.

Men løgreglan sigur, at enn hava tey myndir frá nøkrum vakmyndatólum at kanna.Annars sigur løgreglan sigur, at er tað nakar, sum veit nakað um hendingina, eru tey vælkomin at siga frá.