Seinnapartin í gjár ringdi ein bilførari, sum var á veg ígjøgnum Eysturoyartunnilin, til løgregluna at boða frá, at tað stóð neistarok undir einum bili, sum eisini var á veg ígjøgnum tunnilin.

Men so sást eisini eldur og bilurin steðgaði og ljósini slóknaði.

Tað fyrsta, løgreglan ger í slíkum førum, er at steingja tunnilin, so at ikki fleiri bilar koma í tunnilin.

Tað varð eisini gjørt í hesum føri og sløkkiliðið fór á staðið. Løgreglan sigur, at tað var skjótt at eldurin varð sløktur, og at at eingin fólkaskaði var.

Tey siga, at helst er ein oljuslanga farin at leka, og tað er blivið so heitt, at tað hevur fest í. Tunnilin var stongdur í ein tíma, so var opið aftur.