Aftaná eina væleydnaða konsert í París fyrradagin, fekk Eivør Pálsdóttir eina heilt serliga uppliving. Har hitti hon Marie – eina kvinnu, ið búði hjá familjuni í Føroyum, tá Eivør einans var 12 ára gomul.

– Eg havi ikki sæð hana aftur síðani, men hon er akkurát líka fitt enn. Ein rørandi løta, skrivaði Eivør á hennara facebook síðu eftir konsertina.

Á ferð runt um heimin

Dugnaliga og altjóða viðurkenda songkvinnan er í løtuni á konsertferð, har hon skal vitja fleiri lond áðrenn ársskiftið.
Til 2. oktober er hon í Frankaríki, men síðan gongur leiðin víðari til lond sum Nýsæland, Avstralia, Spania og fleiri onnur.

Konsertferðirnar hjá Eivør eru væl vitjaðar, og hon hevur ein trúfastan fjepparaskara bæði í Føroyum og úti í heimi. Við sínum sermerkta ljóði, sum bindur saman føroyskan tónleik, elektroniska dýpd og persónligar frásagnir, hevur hon í fleiri ár staðið sum ein av størstu tónleikanøvnunum úr Føroyum.