Ein maður er nú skuldsettur fyri innbrotið á Á handlinum við Norðskála fyrr í vikuni.

Tað var mikunáttina, at innbrotið varð meldað. Innbrotstjóvarnir hava brotið ein rút og eru sloppin inn tann vegin.

Tá ið tey vóru komin inn, funnu tey lykilin til pengaskápið, so tað var lagamanni at fáa tað upp.

Men tað vóru nógvir pengar í pengaskápinum og teimum fóru innbrotstjóvarnir avstað við. Løgreglan nevnir ikki ta nágreiniligu upphæddina, men tey siga, at talan var um undir 50.000 krónur, men meiri enn 10.000 krónur.

Tjóvarnir vórðu tiknir upp á vakmyndatólini í handlinum og tí veit løgreglan, at innbrotsjóvarnir vóru nakrir í tali, men tey vilja ikki siga, hvussu nógvir teir vóru.

Men løgreglan sigur eisini, at tjóvarnir høvdu fyrireikað seg upp á, at har vóru vakmyndatól, tí teir høvdu fjalt kropp og andlit væl við klæðum.

Og løgreglan sigur, at nú hava tey tikið ein mann fyri innbrotið. Hann hevir játtað seg sekan - men løgreglan veit framvegis ikki, hvørjir hinir tjóvarnir vóru.