Í dag hava tveir tinglimir tikið sæti á Føroya Løgtingi. Tað eru Beinir Johannesen, tingmaður í Fólkaflokkinum og Jenis av Rana, tingmaður fyri Miðflokkin, sum hava biðið um farloyvi í eina viku frá í dag at rokna.
Fyri Fólkaflokkin er Grímur Sundstein fyrsti varamaður, men hann er longu á Løgtingi fyri Bárð á Lakjuni, sum er í farloyvi.
Annar varalimur er Fía Selma Nielsen og triði varalimur er Rógvi Egilstoft. Tey hava bæði boðað frá, at tey fáa ikki møtt á Løgtingi.
Fjórði varalimurin hjá Fólkaflokkinum er Mona Breckmann Wescott - men hon fær heldur ikki møtt.
Fimti varalimurin er Jóhan Eli Poulsen og hann hevur sostatt tikið sæti tingi fyri Fólkaflokkin.
Hann sat eisini á tingi eitt skifti í farna valskeiði, men fór úr Løgtingum aftur eftir ársskiftið í 2021, tá ið Annika Olsen, sum átti tingsessin, fór frá sum borgarstjóri í Havn, og tók tingsessin aftur.
Men nú tekur hann so aftur sæti á Løgtingi í eina viku.
Hjá Miðflokkinum er Bill Justinussenn fyrsti varalimur, men síðani valið er hann farin upp í Fólkaflokkin, og vil tí ikki møta sum varamaður fyri Miðflokkin.
Annars varalimur er Rósa Tyril Gaardlykke, men hon hevur eisini boðað frá, at hon fær ikki møtt.
Triði varalimur er Jórun Pólsdóttir og hon hevur sostatt tikið sæti á tingi í eina viku, og hetta er fyrstu ferð, at hon situr á tingi.
