EB/Streymur skrivar undir við enn ein álopsspælara

Í gjárkvøldið vóru tíðindini, at Búi Egilsson, sum er álopsspælari, hevur skrivað undir sáttmála við EB/Streym, sum næsta kappingarár fer at spæla sínar heimadystir í Hólmanum á Eiði.

Í kvøld eru tíðindini úr EB/Streymi, at enn ein álopsspælari hevur skrivað undir nýggjan sáttmála við felagið.

EB/Streymur skrivar soleiðis:

EB/Streymur og 23 ára gamli Kristian Svabo Eliasen, sum leikti við okkum seinnu hálvu í ár, hava gjørt avtalu fyri komandi kappingarár.

Hetta kappingarárið leikti Kristian 14 dystir fyri EB/Streym og fekk 7 mál, skrivar EB/Streymur.

Tað var eftir summarsteðgin í ár, at Kristian Svabo Eliasen flutti frá barndómsfelagnum KÍ og til EB/Streym.