Forsetin í Ukraina, Volodymyr Zelensky sigur, at fleiri íløgur í vápnaframleiðsluna í landinum fara at koma, eftir NATO-fundin í Vilnius sum var týsdagin.

-Álopið um vikuskiftið vísti, hvussu nútímans kríggj sær út, og hví tað er so umráðandi at vera í fremstu røð innan tøkni, sigur hann. Zelensky sipaði til hendingina sunnudagin tá Ukraina framdi eitt stórt dronuálop, sum rakti fimm øki, sum eru býtt um alt Russland. 

-Tað verða nýggir pakkar, tað verða nýggjar íløgur í vápnaframleiðsluni í Ukraina. Ukraina kann framleiða nógv meira, sigur Zelenskyj. 

Sambært ukrainska forsetanum hevur ukrainska álopið "av álvara veikt russiska herin".

Dronuálopið hevur oyðilagt russisk flogfør fyri milliardir av dollarum, sum eru stødd á støðum kring landið, eisini á støðum so langt burtur sum í Sibiria. í Kiev sigur hettar vera sítt longsta álop í krígnum. 

Álopið, kallað Spiderweb, var fyrireikað í loyndum yvir 18 mánaðir. Ukrainskir ​​umboðsmenn fluttu stuttrøkjandi dronur og spreingievni inni í Russland í stórum trailarum.

Takið á trailarunum blivu lyftar av við fjarstýring, og dronurnar vóru síðani fjarskotnar til tey ætlaðu økini. Hettar var eitt samskipað álop sum skuldi sláa niður á lofteftirlitið hjá Moskva.