Amerikanski forsetin, Donald Trump, talar til ísraelska tjóðartingið eftir ein søguligan dag í Miðeystri.
Allir livandi gíslar í Gaza eru í dag latnir aftur á ísraelska jørð, og tann fyrsti av 38 bussum við palestinskum fangum er farin um markið til Gaza.
– Marran er av; ikki bara fyri ísraelar, men eisini fyri palestinar, sigur Donald Trump
Amerikanski forsetin sigur seg hava loyst átta kríggj.
– Mín persónligheit snýr seg um at steðga kríggi. Og tað sær út til at rigga, sigur hann.
– Mær dámar ikki kríggj. Men um vit skulu í kríggj, so vinna vit sum ongantíð áður. Vit hava vápn, sum fólk ikki so mikið sum duga at ímynda sær, sigur Donald Trump.
Sambært Donald Trump verður trygdin í Ísrael ongantíð hóttað aftur.
– Tit hava vunnið!, ger hann greitt.
Seinni verður toppfundur hildin í Sharm el-Sheikh við 20 heimsleiðarum - millum øðrum Trump - har ið ein friðarætlan verður umrødd.
