I gjáramorgunin varð ringt til løgregluna at melda, at innbrot hevði verið í Effostøðini í Kollafjarðardali.

Løgreglan sigur, at, innbrotstjóvarnir hava brotið ein rút og eru komnir inn tann vegin. Løgreglan sigur eisini, at innbrotstjóvarnir hava tømt kassan fyri vekslipengar og tilsamans var talan um nakrar túsund krónur.

Løgreglan sigur, at tey eru í ferð við at kanna málið. Tey eru komin nakað ávegis, men tey eru kortini ikki komin á mál.