Gunn Ellefsen, starvsnevndarforkvinna í HSF, og landsliðsleikararnir Jana Mittún og Súna Krossteig Hansen vóru í farnu viku og vitjaði nýggju, glæsiligu handilshølini hjá Borg á Glyvrum. Sáttmálin var undirskrivaður saman við Miu Rodmundardóttir, HR-, logistik og marknaðarføringssamskipara hjá Borg.

”Vit eru errin av at stuðla føroyska hondbóltinum og teimum eldhugaðu leikarunum, sum umboða okkara tjóð”, viðmerkir Mia, sum eisini vísti runt í nýggju hølunum. Gunn Ellefsen viðmerkir eisini til nýggja sáttmálan, ”at góðir, trúgvir stuðlar eru neyðugir, tá nýggj og framfýsin tøk skulu takast. Her hevur Borg verið við á ferðini seinastu árini og fegnast vit um at tey halda fram.”