Løgtingið viðger í løtuni eitt uppskot frá Landsstýrinum um at umskipa nevnina í Visit Faroe Islands. Í hesum sambandi er endamálið, at bøndur skulu eisini fáa eitt umboð í nevndina.

Tað er tí at bøndur hava ein alsamt stóran leiklut í ferðavinnuni og tað er ein ætlan, Bóndafelagið tekur undir við.

 Men tey halda kortini, at hetta gevur teimum ikki nóg stóra ávirkan á ferðavinnuna Tí heldur Bóndafelagið, at bøndur eiga at fáa tvey umboð í nevndina í Visit Faroe Islands, ella bæði eitt umboð fyri Bóndafelagið og eitt umboð fyri Óðalsfelagið.

Tey halda nevniliga, at við bara einum umboði, eru tey framvegis undirumboðað.

Í nevndini skulu vera formaður og sjey nevndarlimir. Tey eru eitt umboð fyri ferðavinnuna, tvey umboð fyri

ferðaflutningsfyritøkur, eitt umboð frá Tórshavnar kommunu, eitt umboð fyri kommunurnar uttan fyri Tórshavnar kommunu, eitt umboð fyri mentan ella ítrótt og eitt umboð fyri landbúnaðarvinnuna.

Afturat nevndarlimunum velur landsstýrisfólkið eitt umboð í nevndina sum hevur møtirætt og talurætt, men ikki atkvøðurætt.