Bjarta bustar tenn er myndabók til minstu børnini, sum Silja Aldudóttir hevur skrivað, og Lena Nicolajsen hevur myndprýtt. Bókadeild Føroya Lærarafelags gevur bókina út 7. februar 2026.

Bjarta hevur fínar tenn, sum kunnu brúkast til alt møguligt. Nú er songartíð. Kom og busta tenn, Bjarta! Men Bjarta tímir yvirhøvur ikki at busta tenn...

Silja Aldudóttir er rithøvundur úr Havn. Hon hevur lisið føroyskt á Fróðskaparsetri Føroya og starvast sum ritstjóri á Bókadeildini. Hon útgav barnabókina Ódjór í 2022. Hetta er hennara fyrsta bók til smærri børn.

Lena Nicolajsen er sniðgevi og myndprýðari búsitandi í Keypmannahavn. Hon er útbúgvin á Danmarks Designskole og hevur m.a. myndprýtt fleiri barnabøkur.

Bókaframløga

Leygardagin 7. februar kl. 14 skipar Bókadeildin fyri hugnaligum útgávutiltaki fyri børn á Býarbókasavninum í Havn.

Skrá

Barnakórið Nova 2 og 3 frá Musikkskúlanum í Havn framførir nakrar sangir

Rithøvundurin, Silja Aldudóttir, lesur søguna

Tekniverkstova fyri børn við myndprýðaranum, Lenu Nicolajsen

Drekkamunnur og høvi er at hitta rithøvundin og myndprýðaran

Bókin er til sølu fyri serprís