Útisetar og aðrir føroyingar í Danmark hava nú møguleikan at fara til føroyska gudstænastu í Keypmannahavn 7. desember, annan sunnudag í advent.

Føroyski presturin í Keypmannahavn, Borgny Brünings-Hansen

Tað er biskupur, Jógvan Fríðriksson, sum prædikar í Hans Egedes Kirkju. Føroyski presturin í Keypmannahavn, Borgny Brünings-Hansen, verður liturgur.

Til ber eisini at fara til føroyskar gudstænastur í kirkjuni fyrsta og triðja sunnudag í hvørjum mánaði kl. 14.00

Føroyska kirkjuliðið, Sankta Ólavs kirkjulið, varð sett á stovn 28. november 1915 og hevur í ár 110 ár á baki.

Eftir gudstænastuna verður hugnalig samvera og drekkamuður í hølunum við síðuna av kirkjuni, har bispur í stuttum fer at greiða frá um Fólkakirkjuna.

Øll eru hjartaliga vælkomin, skrivar Fólkakirkjan á Facebook.