B71 skrivar soleiðis í kvøld:

Vit hava hildið ein lítlan steðg í eina tíð, men nú eru vit aftur við fleiri leikarakunngerðum, og vit leggja bragdliga fyri við einum fyrrverandi stórtalenti í donskum ungdómsfótbólti.

Jonathan Canto Nielsen fyllir 25 ár rundanum nýggjárið, men hevur longu nú eitt sera rúgvismikið CV og hevur leikt við alskyns donskum liðum, umframt týskum, meksikanskum og italskum liðum. Seinastu tíðina hevur Jonathan tó verið heima aftur í BK Frem og leikt, áðrenn hann valdi at leggja leiðina til lítla oyggjalandið í Norðuratlantshøvum at royna seg.

Canto byrjaði annars ungdómsleikaratilveruna í FCK, har fyrrverandi B71 unglingin Brandur Olsen sum kunnugt eisini byrjaði. Harafturat hevur ungi og evnaríki miðvalllarin verið forbí og leikt í FC Roskilde, ið B71arar kenna orsaka av Valdemar Schousboe, ið fór hagar, eftir uppihaldið sítt við B71.

Jonathan er miðvallaleikari og verður sagdur at hava gott eyga fyri spælinum og bjóðar av í nærdysti.

Hjartaliga til lukku við sáttmálanum Jonathan, vælkomin til B71 og góða eydnu víðari!

Drívið á B71!