B68 boðar í kvøld frá, at Tofta Ítróttarfelag hevur skrivað undir sáttmála við Brian Jakobsen. Álopsspælarin spældi síðsta kappingarár við AB, har hann skoraði 11 mál og var sjeyndi besti málskjútti í bestu deildini.

32 ára gamli Brian Jakobsen spældi fram til og við 2018 við barndómsfelagnum á Skála. So var hann í fýra ár í B36, áðrenn hann undan síðsta kappingarári flutti út á Argir. Sambært faroesoccer.com hevur Brian Jakobsen spælt 176 dystir í bestu landskappingini og skorað 56 mál.

Í 2019 og 2020 var Jákup á Borg venjari, tá ið Brian Jakobsen spældi við B36, og nú eru teir aftur í sama felag.