Bretska stjórnin umhugsar at seta í gildi nýggja lóggávu, sum skal taka Andrew Mountbatten-Windsor úr skiftislinjuni til bretsku trónuna.

Hetta fer at henda, tá ágangandi kanningin hjá løgregluni av fyrrverandi prinsinum er liðug. Hettar segði ein ónevndur bretskur embætismaður við Reuters fríggjadagin.

Skal skiftislinjan broytast, krevst samráðingar og avtala við tey lond, har bretski kongurin Charles - beiggi Andrew Mountbatten-Windsor, er ríkisleiðari.

Karl kongur er ríkisleiðari í Stórabretlandi og Norðurírlandi, umframt 14 øðrum sjálvstøðugum ríkisfelagsskapslondum, harímillum Avstralia, Belize og Kanada.

Andrew Mountbatten-Windsor er nummar átta í røðini til trónuna, eftir William prins og trý børn hansara og eftir Harry prins og tvey børn hansara.