Í gjár framdi føroyska U 21 landsliðið hjá monnum ta bragd at vinna bronsumerki í HM kappingini, sum hevur verið í Pólandi hesar seinastu dagarnar.

Nú er landsliðið aftur á veg til Føroya, og tað verður tikið væl ímóti teimum, tá ið tey koma.

Klokkan fimm seinnapartin í morgin, týsdagin, verður almenn móttøka fyri liðnum. Móttøkan verður á Vaglinum og tað eru Tórshavnar Býráð og løgmansskrivstovan, sum skipa fyri.

Har fer Havnar Hornorkestur at spæla Aksel V. Johannesen, løgmaður, og Elsa Berg, borgarstjóri í Tórshavnar kommunu, fara at halda røðu. Umboð fyri Hondbóltssambandið, og umboð, fyri liðið fara eisini at bera heilsanir fram.

Eftir hetta kunnu børn fáa plakatir og autografar frá U21-spælarunum.